(粵)「世界級港女」杜如風：我唔使男人錢！

因為「屋企有一千對鞋」，即時被網民封了一個「世界級港女」稱號的杜如風，向來都言行出位，只要有睇過一集半集她以前的旅遊節目，都會知道人如其名，真的是杜如「瘋」！對於無端端被網民狂鬧，杜如風一於懶理，笑言：「我又唔識佢哋，香港係有言論自由，咪由佢講囉。」買嘢本來就係港女強項，而一夜成為全城焦點的杜如風，向來都毫不避忌地大晒自己使咗幾多錢，但佢始終都強調係冇使男人錢，全部都係用自己錢去消費，坦言：「媽媽成日都話我冇危機感，我真係無嘅！我係Carefree到完全唔介意去做乞丐，只要有人肯畀張棉被就OK！」