(粵)孖老公現身　周慧敏推Job到賀基仔大喜

古巨基昨日(十一月十一日)於四釆酒店補擺喜酒，獲不少名人明星到場祝賀，就連本來有工作在身的周慧敏(Vivian)，亦與丈夫倪震十指緊扣到賀！Vivian離場接受訪問時透露，一對新人在台上講到因何事決定結為夫婦，以及多年來的心路歷程，場面非常感人。問到送了什麼賀禮？Vivian坦言基仔和太太都有其特別的個人喜好，「我哋大家都係好Close的朋友，平時交往都係不拘小節，所以我諗咗好耐，唔想亂買嘢畀佢哋，為免浪費都係送禮券最啱！」