(粵)杜德偉拒挑戰丁字褲：我唔係舞男！

杜德偉（Alex）前晚(一月二十四日)舉行記者會，正式宣布其Part II演唱會將於三月二十七至二十八日於紅館舉行。提到Alex上次演唱《脫掉》時大玩剝衫除剩銀色三角褲，今次會否考慮挑戰更激的「丁字褲」？Alex即笑言：「再露就畀人拉喇！而且我又唔係舞男，佢哋嘅身形係靚過我好多先會着！」另外，Alex又透露現在每星期有六日都會努力操肌，希望能以比Part I更好的身形示人。