(粵)榮升揀蟹強中手　金剛：要似喬寶寶咁多毛！

喬寶寶搞掂晒移民蘇格蘭嘅事宜後，o依家已經全面投入香港嘅工作，而喬寶寶嘅生意諗頭總係離唔開飲飲食食，佢最近仲同金剛及幾個朋友合作搞大閘蟹生意。日前，兩個孖寶就廣邀圈中好友，圍埋試食佢哋嘅出品，陣容鼎盛啊！寶寶仲同金剛即場指點《東周網》嘅讀者，點樣先可以揀番隻靚蟹好好享受！