(粵)莊思敏自爆係偵探式情人

莊思敏日前Fit爆現身銀都春茗，講到前度吳浩康(Deep)於街頭攬啜巨胸女，莊思敏即坦言：「我自己就接受唔對方不忠，但呢個世界上有好多唔同種類的人，都有人會選擇同對方去經歷一啲嘢。(咁當年同佢拍拖嗰陣，有冇試過偷食？)太耐喇，唔講喇。」另外，莊思敏又自爆是偵探式情人，笑指：「我有遇過啲喺情場上不忠嘅人，會盡量避免去重複犯錯囉！而我自己都會去翻查吓紀錄，嘗試去搵一啲答案出嚟！」