10072019時事觀察第1節：余非 — 讀一封署名消防員的信
余非 美國《星島中文電台》「時事觀察」節目。
美國時間：2019年10月7日
第1節：讀一封署名消防員的信
這一節我不是偷懶，是因為在網上讀到我認為頗重要的訊息，想跟大家分享。分享前，說幾句大背景。我跟不少人，都開始真正擔心香港。主要原因是在短期之內，看不見解決辦法、看不見光明。
看不見解決辦法的其中一個原因，是未看見香港有足夠的正能量。黑衣集團那邊我們管不了，面對殘忍的虐打仍然有人支持，我們也管不了；因為香港是被認可機構評定為最自由的社會，大家都有言論自由。所以，這一次只想跟站在黑衣集團對面的聽眾朋友說幾句心裏話。我無黨無派，自力更生，是個普通小市民；要分享的一個小小的感受，是在極大的困難面前，香港朋友真要保持最大的理性、理智。不要被人挑起矛盾，從而鬆自己牆腳、拆自己牆。
近日香港消防員的表現備受爭議，而以下這個網上訊息，自稱是一位消防員的自白。我證實不了撰文者的身份。可是，內容有細節、很實感，就當是個鼓勵人的正向訊息，也很值得分享。我完整地讀出來，希望大家有啟發。（註：文中沿用黃、藍概念。黃色代表反政府，相反的就是藍色。文中有廣東話，原文照錄）
* * * * * * * * * * * * * * *
大家好…我係一個呢幾個月都經常喺示威區前線工作嘅「藍絲」消防員，首先我要講一句「對唔住。」
呢句對唔住入面，包含好多嘢，希望大家肯花時間睇到尾。
首先，講多一次對唔住，近日嘅新聞，連串報導，我相信令好多save hker失望，無可否認，我自己都有一定程度嘅失望，失望當中，希望大家聽我愚見幾句…
消防入面，係有黃絲，為數不少，但係其實都有好多「後生」藍絲。金鐘事件，無容置疑嗰兩位係黃絲，我地係好羞愧，但其實我地藍消生存得好辛苦。警察至小內部槍頭一致，但我地返工要成日警戒住邊位伙記係黃，唔講得，要圍內全藍，先講得……本來入save hk係希望接觸返一啲正常嘅人，但宜家大家都仇恨消防，我地好心痛。
兩單見死不救事件，首先係白衣人俾人追打，兩架消防車無人落地幫手，希望大家體諒，佢地有好多事考慮，落車阻止，係可以，如果我在場，我係預咗最壞嘅情況係會俾人打埋一份，我唔介意。不過，俾人打完事小，往後日子曱甴如果針對消防，我地前往唔到火警現場，所引發嘅意外可能更多。有朋友話捉白衣被打人上車，但其實夾咗佢上車，當時太多曱甴，車走唔到，困獸鬥，後果會更加嚴重，我地消防車啲locker無鎖，佢一開拎哂我地嘅「架撐」（工具），我地往後更加做唔到case，如果佢地破壞消防車，需知道消防車有好多種類，警車大部份都係相類似嘅衝鋒車，可以有好多後備，但消防車如：細搶、泵車、升降台，總唔會款款有十幾架後備，我地每款車都係得幾架，甚至一兩架後備，宜家曱甴日日示威，後備都借埋嚟開多一架消防車去救火救人，真係無哂後備咁濟。如果佢地破壞咗消防車，就更加去唔到所有意外現場……無錯，喺人性上，我會寧願選擇落車，勸交、阻止，俾人打都好，總好過發生宜家咁嘅事。
而尋日的士司機事件，我唔喺現場，唔知當時情況係點，大家睇過條片，我都唔想去俾意見，但我地圍內可以好肯定咁承諾大家，呢啲事一定唔會喺我地眼前出現，希望大家諒解……。任何人士、職業都有黃，大家覺得消防多，只因為職業問題……黃屍刻意為消防套上光環，只係想厚此薄彼，打擊、分化警察同消防。去車時喺街上曱甴為我地歡呼，但我地絕對唔享受，因為我地知道，呢幾個月警察絕對比我地辛苦，大壓力，俾人擺咗上枱。
而尋日的士司機事件，我唔喺現場，唔知當時情況係點，大家睇過條片，我都唔想去俾意見，但我地圍內可以好肯定咁承諾大家，呢啲事一定唔會喺我地眼前出現，希望大家諒解……。任何人士、職業都有黃，大家覺得消防多，只因為職業問題……黃屍刻意為消防套上光環，只係想厚此薄彼，打擊、分化警察同消防。去車時喺街上曱甴為我地歡呼，但我地絕對唔享受，因為我地知道，呢幾個月警察絕對比我地辛苦，大壓力，俾人擺咗上枱。
雖然係咁，今日處方出咗指引，只要大家有需要，我地會正式咁派一架車去幫手清除路障，為警察分擔。
警察願意為我地擋刀劍，我地願意為警察擋燃燒彈。
我地唔係想攞光環，只係想大家體諒，並唔係全部消防都係黃曱甴，曱甴屎一粒已經可以搞壞成煲飯。
儘管大家依然仇視消防，但引用返曱甴仔嘅一句，我地不割席，不督灰，不分化，支持警察執法，反暴力，反曱甴。
以上嘅說話，先係大多數消防員嘅心聲
最後我代表某啲伙記嘅行為、言論，同大家講多次，對唔住。
我地往後嘅日子會更加努力，去做大家期望我地做到嘅事。
* * * * * * * * * * * * * * *
聽眾朋友，上述訊息令我感動，也有啟發。在前所未有的困局面前，真不宜凡事簡單化，可以學習感受當中的難處，也不要太容易被煽動仇恨。香港當前的困境，是結構性的；亦不是像打手式的文章所言，認為是「一將無能」那麼簡單。
節目結束前做總結：香港當前的困境，是政治問題，也是人的問題。香港長期處於反智狀態，甚麼事都不求深入，大而化之便算了。所以別有用心的政治操作，來得特別得心應手。
人的問題，一定不可以短期內便提升或改善。而殖民地留下來的體制、官僚系統，這幾個月來反映，處理不了帶恐怖主義成份的政治顛覆活動。
我想大家冷靜地感受一下，當前的香港，是處於受海嘯式力量攻擊的大戰，不要看輕整件事的麻煩程度。大家真的要用最堅定的意志，足夠的耐性，沉著地渡過難關。祝福香港、祝大家港平安。
