(粵)着紅衣祭白虎 黃夏蕙教你「打小人」！

上周五(三月六日)是廿四節氣的驚蟄，唔少怨氣重o既香港人都趕到灣仔鵝頸橋底打小人！而啱啱喺驚蟄前一日喺facebook怒斥喺港鐵遇上一個霸氣師奶o既黃夏蕙(夏蕙BB)，就由周潤發胞姊周聰玲(玲姐)陪同下一齊去打小人。親自落場打小人的夏蕙BB，就表示今日主要係嚟打醒霸氣師奶這個野蠻人，其實呢幾年已經習慣每年這個日子，都會到此一遊打小人，問佢何解要着到紅噹噹，好似擺大壽咁嚟打小人？佢就解釋話：「因為今日係白虎開口日，所以我哋一定要着到紅噹噹，增加自己o既氣勢，如果唔係就畀白虎咬返轉頭，小人會更多更多是非。」之後仲教話要教《東周網》讀者，打小人的正確方法。