(粵)狂寸華哥物業多　吳鎮宇酸爆：點同佢做朋友？

吳鎮宇、譚耀文、衛詩雅等日前出席英皇電影《衝鋒車》慈善首映禮，提到電影會否於內地上映的問題，鎮宇即笑言：「梗係會啦！唔係我哋啲片酬點收返嚟？有幾叉嘢！(即係幾多？)講笑啫，講緊係幾千萬製作費。」另外，由於主角之一的任達華身在歐洲而缺席宣傳活動，鎮宇和譚耀文隨即笑鬧對方只顧去遊埠，不過他們都強調華哥非常健談，以致劇組人員的的感情進步神速，鎮宇更酸爆表示華哥不時都會和大家分享置業心得，笑言：「佢周圍都咁多樓，點同佢做朋友啊？」