最近有報道指亞視新聞部走剩八人，很難捱到六月，昨日(葉家寶)出席慈善節目活動時，就澄清是編導部門走剩八位同事，新聞部還有很多人工作，會嘗試找兼職幫忙，但就坦言至今還留在亞視的員工有五百多名……

楊洛婷(Rabeea)日前出席品牌活動時，透露今年與老公黃天翱(Tim)都十分忙碌，自己之前更撇甩老公，與朋友去了美國和泰國旅行，而Tim則要到瑞士工作。二人聚少離多，問Rabeea是否造人難？她笑謂：「之前有講過要努力『造人』，但一年其實得十二個機會，我諗我哋真係忙到錯過咗太多嘅機會喇！而且啲客戶都好錫我，我o依家啲工作都已經排到去十二月中，我都唔想畀太大壓力自己去生小朋友，順其自然啦，最緊要樂觀、開心。」

日前「關注乳癌運動」就舉行開幕儀式，周秀娜當日亦有出席。問到她有否關注過自己在這方面的問題，她表示：「有定期做身體檢查及婦科檢查，之前天氣唔穩定又瞓得唔好，好彩只是免疫力出現問題，現已康復。」她又透露自己平時洗澡，都有自我檢查乳房，問到她有否懷疑過自己出問題，她坦言：「試過有疑問，摸到有硬塊，問咗醫生話冇事，只係脂肪組織。」

陳慧琳（Kelly）日前就出席《陀地驅魔人》首映，張家輝甫見她即大叫：「大師姐！」，Kelly更透露剛綵排完演唱會即趕來支持，問到她是否喜歡看鬼片，她坦言：「我好鍾意睇，(咁想唔想拍鬼戲？)想呀，拍多啲都唔拘。現實中未遇過，但又很想遇到，(妳唔驚咩？)我唔識驚o架！」問及兩名兒子是否與她一樣不怕鬼，她笑言：「希望佢哋係啦，我有帶過大囝去探班(《陀地驅魔人》)，他見到有人化咗兩個口嘅鬼妝都唔驚，仲笑佢用錯口食飯盒。」

雷頌德（Mark）昨日(一月五日)出席設計展覽活動，展出他設計的八款產品包括傢俬、手表及珠寶等。阿Mark自言是藝術家，負責創作，生意方面則要問其拍檔。另外，早前曾辦畫展的他，表示有很多人欲買其作品，但因作品畫的都是家人，只好婉拒，但就想到解決辦法，就是直接幫買家畫下個人或家人的畫作，至於價錢，阿Mark不置可否，最重要是買家覺得價值高。

喬寶寶同喬嫂嫂結婚二十五年，早前二人就帶埋一家大細到家鄉印度大排筵席、款宴親朋，一同慶祝二人銀婚紀念！寶寶返鄉探親，都不忘以搞笑的手法拍片介紹當地文化畀香港朋友認識，繼喬寶寶問鄉里阿叔點解次次都坐到咁逼，阿叔竟然答：「你老母，呢度係印度呀！」佢哋啲對答笑爆嘴短片後，寶寶再上載了一短片同大家分享，今次寶寶就繼續挑戰超載極限，一架四人車坐六個人，要人叠人咁坐足半個鐘！

楊怡、錢小豪及梁靖琪（Toby）等昨日(五月十九日)為新劇《潮拜武當》宣傳，受腰患影響的楊怡為了拍攝此劇更專程去學耍太極。問到會否教男友羅仲謙一招半式？佢就話：「所有人包括朋友我都唔會教，劇中有姿勢就得。」另外，張名雅則透露，楊怡在劇中當「小三」，同佢爭奪陳智燊，而奉旨「花心」嘅陳智燊就坦言，與楊怡會有牀戲。

王菀之(Ivana)和林二汶昨日(七月十三日)為聲演的動畫《玩轉腦朋友》宣傳，於戲中聲演阿愁的Ivana笑言角色與自己非常相似，「我天生係比較感性的，有時哀愁係唔需要原因的，亦都因為有呢種個性而有利創作，不過呢種情緒都好少喺男友面前表現出嚟。」

吳若希Jinny最近被指腳踏五船，生活獲有米Uncle郭志燊、地產富豪「十哥」林棣權照顧外，身邊還有三個觀音兵任佢差遣，出道短短五年、騷價僅得2.5萬的她可住豪宅揸靚車。但據悉曾有份照顧Jinny起居兼見埋家長的已婚股神王弼燮，因睇穿Jinny為人貪錢又博愛便即時斬纜，轉追Jinny的師妹，這位年僅20歲，擁有長腿且樣子貌美的索女。