(粵)夏萍嚮往幕前演出　林家棟：佢體力未應付到！

資深藝人夏萍早前在寓所不小心跌倒，送院治理後已無大礙，而與夏萍感情要好的林家棟日前出席活動時，表示已探望過對方，更笑指對方硬頸、不聽話，「因為佢血糖高，但係見到啲朋友拎水果籃探佢嗰陣，佢開心得滯忍唔到口，竟然連食三隻香蕉，又飲營養奶粉，醫生已經話咗唔準喇！」另外，家棟又透露曾為對方安排入住護老院，惟對方希望多拍幾年戲，很享受演戲的過程。