(粵)林海峰想「轉型」：要喊住嚟做Talk騷！

楊千嬅日前孖林海峰（Jan）出席電影《哪一天我們會飛》首映。平時幽默感十足的Jan笑指，拍畢該電影後，大概要等十年後才會拍下齣喜戲，「拍完呢類型電影之後，可能以後會轉攻文藝片，走喊戲的路線，要喊住嚟做Talk騷先得！(做Talk騷要喊啊？)真係啊，大家嚟哭喪囉，或者係感動到喊囉！」另外，近日忙於宣傳和錄製新碟的千嬅透露，雖然工作忙，但仍會堅持湊囝囝Torres返學，「之前去新加坡做嘢，唔記得同囝囝講，點知老師打電話嚟話佢唔開心，所以我現在去邊度都會同佢講番聲。」