(粵)黃秋生杜汶澤開鏡有偈傾

多年來屢傳不和的杜汶澤和黃秋生，昨日(五月二十日)現身江湖電影《選老坐》的開鏡儀式。問到秋生再與阿澤合作有否感到尷尬？秋生即謂：「無芥蒂，之前都無乜，而且我都冇話過同佢Unfriend，幾十歲人Un咩friend？真係好鬼幼稚！(覺得王晶好幼稚？)咁我唔知，問醫生先知！」另外，阿澤亦表示二人經已冰釋前嫌，「呢個真係要靠佢大人有大量，你知我份人啦，得罪人多稱呼人少，現在能夠一齊拍戲的話，相信都已經冇乜嘢。」