上周五(三月六日)是廿四節氣的驚蟄，唔少怨氣重o既香港人都趕到灣仔鵝頸橋底打小人！而啱啱喺驚蟄前一日喺facebook怒斥喺港鐵遇上一個霸氣師奶o既黃夏蕙(夏蕙BB)，就由周潤發胞姊周聰玲(玲姐)陪同下一齊去打小人。親自落場打小人的夏蕙BB，就表示今日主要係嚟打醒霸氣師奶這個野蠻人，其實呢幾年已經習慣每年這個日子，都會到此一遊打小人，問佢何解要着到紅噹噹，好似擺大壽咁嚟打小人？佢就解釋話：「因為今日係白虎開口日，所以我哋一定要着到紅噹噹，增加自己o既氣勢，如果唔係就畀白虎咬返轉頭，小人會更多更多是非。」之後仲教話要教《東周網》讀者，打小人的正確方法。

蔡思貝（Sisley）昨日攜同媽咪出席「康乃馨大行動2015」活動。提到Sisley早前被拍得與十四位大隻猛男練跑，Sisley即解釋指當日是跟隨從事懲教署的教練練跑操弗，而那十四位男士都是對方新收的徒弟，更笑言：「佢哋一啲都唔吸引，全部都有家室的。其實我由十幾歲就跟住呢個師父練跑，呢排我見有啲空檔，就想去跑吓步出身汗，人都健康啲。(咁有冇諗住去跑馬拉松？)有啊，師父都叫我抽時間Train番，希望嚟緊可以幫我報多啲比賽。」

欣宜昨日(六月七日)出席活動時透露，爸爸鄭少秋早前特意錄了生日歌送給她，又表示只要有時間兩父女食飯、睇戲、拍吓拖就已足夠。對於蕭定一公司與專捧o靚模的環球狂熱文化（GME）合併，欣宜坦言知悉此事，不過仍未有時間回公司了解詳情，「其實都冇乜所謂，最緊要都係大家合作得開心，希望大家合作愉快啦，我亦都相信係唔會影響到我同阿一的合作關係。」

劉嘉玲現身錶展腕表品牌活動，提到老公梁朝偉也獲另一品牌邀請出席，嘉玲謂沒打對台，更感恩二人多年來得大家的喜愛和認同，但提到合體工作，她就不太願意，認為還是給大家幻想空間更好。雖然有很多人斟洽兩人，但嘉玲想盡量避免在工作上一齊，畢竟太熟了。追問若二人同場是否會感到尷尬？嘉玲聽罷即身體向外傾斜，險些跌倒，再續說：「不行啊！真的很尷尬！」

喬寶寶搞掂晒移民蘇格蘭嘅事宜後，o依家已經全面投入香港嘅工作，而喬寶寶嘅生意諗頭總係離唔開飲飲食食，佢最近仲同金剛及幾個朋友合作搞大閘蟹生意。日前，兩個孖寶就廣邀圈中好友，圍埋試食佢哋嘅出品，陣容鼎盛啊！寶寶仲同金剛即場指點《東周網》嘅讀者，點樣先可以揀番隻靚蟹好好享受！

無綫的救收視劇《八卦神探》，當中除了有不少熟面口的演員外，更請來玄學家麥玲玲上陣，為大家傾情演出，扮演《神鵰俠侶》的經典角色「姑姑」，不過，身材圓潤的她一扮起小龍女就變成「肥龍女」，外形盞鬼又好笑。而本刊就從特別渠道獲得「肥龍女」劇照數張，並讓上一代楊過古天樂品評一番，古天樂看照後即忍俊不禁，並打趣說：「靚成咁，好少有。」

王宗堯、鄭欣宜與陳詩慧昨日(二月一日)出席賀年活動。提到王宗堯主演的港視劇集《選戰》收視急挫，或影響開拍續集的計劃，王宗堯聞言表示：「有朋友同我講話收視跌到得五位數，聽到都有啲驚訝！其實《選戰ii》的劇本已經有，劇情會變得更加刺激、更加好睇，希望可以原班人馬開拍續集。」另外，王宗堯又謂此劇是他的代表作，沒有《選戰》便沒有今日的他。

亞洲電視自一○年王征入主後，營運一直處於下坡，近半年更出現拖欠員工薪金的事件，縱使近日亞視連環製造「有買家爭奪買亞視」的「新聞」，但行政會議於上周三（四月一日）決定向亞視「判死刑」，不再續牌。香港首間電視台轉瞬變成首間不獲續牌的電視台，曾效力亞視的員工既哀傷又憤怒，「亞視三寶」魏秋樺、蔡國威及劉錫賢接受本刊獨家訪問時，更喊爆分享留守亞視多年的點滴，不約而同表示最懷念是亞視人的人情味！