譚詠麟（校長）與關楚耀（Kelvin）昨日（十二月三日）錄影《歡樂滿東華2015》的歌唱環節，校長合照時狂摸Kelvin胸部，Kelvin則高呼：「幾舒服，很久沒被撫摸了。」認真搞笑！校長透露自己除了要到內地出騷，最近又要連拍幾日通宵戲。年年廿五歲的校長更加先踼波，後開工，笑言有啲感覺，認真唔簡單！

相隔十七年再推出大碟的周慧敏(Vivian)，昨日(十二月十七日)出席發布會時，表示於錄音室內面對玻璃外的監製古巨基時似有鬼影的感覺，更自爆為了演繹好歌曲，會七情上面、情緒非常高漲，所以會習慣錄音室裏的燈必須全滅，再把自己困在裏面錄音，更笑言：「現在的錄音室都可以見到外面啲人，我都唔知點算，咁啱見到地有張地氈喺度，我就將佢蓋着玻璃將自己完全隔離！」另外，有傳基仔即將榮升爸爸，Vivian即坦言不敢八卦，認為若是事實的話，基仔會親自告知她。

亞視無糧出，要周圍搵白武士，有人歸咎於電視台沒有自家製猛片播放，搞到觀眾唔知睇緊新節目定係經典系列，而《東周網》就發現亞視其實都有猛人助陣，好似亞視女神魏秋樺於飯局上，就戲癮大發，同翻版星爺溫超重演《西遊記》中情挑一幕，如果亞視多幾條這些猛片，收視一早急升！

吳雨霏（Kary）和師弟周殷廷昨日(四月十四日)以「愛眼行動之星」身份出席奧比斯活動。對於有報道指同為「餅碎」的傅穎(Theresa)與內地富二代秘婚，Kary大感驚訝，並表示未聽過她說拍拖：「對上一次聯絡係我結婚的時候，嗰陣都唔知佢有拍拖，我又唔係八卦的人，唔會特登打電話去問。(佢冇主動同你提過？)無啊，如果係真的話，當然會恭喜佢！」

馮寶寶和蔡瀚億(Babyjohn)昨日(五月二十五日)為主演的電影《媽咪俠》謝票，寶寶姐指自己剛去完中山的謝票活動，有不少粉絲舉牌，感覺似開演唱會，而寶寶姐自己亦隆重其事，帶咗八套衫出席各個宣傳活動，笑言日後相片可以當儲閃卡。另外，寶寶姐坦言很想自編自導自演一部電影，講述她契媽林黛的生平，會由阮玲玉講到林黛，再講到未重生的自己。問到寶寶姐可會預埋Babyjohn參演，她即說：「佢好忙o架！」在旁的Babyjohn即笑謂如真的話，一定會抽時間參演。

鄭秀文(Sammi)一連兩場「Touch Mi世界巡迴演唱會(廣州站)」，周末晚圓滿成功，全場爆滿，歌迷熱情令Sammi非常感動。除了靚人靚歌靚衫，她還大騷股肌、腹肌和老鼠仔，更即場傳授鍛練股肌秘訣，全場受惠。而C AllStar的安仔率領全場萬人大嗌「許太」，Sammi冧爆!

上集【MMA樂園】提到郭思琳(Margiela)成功反擊對手Owen，一邊手箍腰，另一邊手則對着Owen的頭部不停攻擊，令對方到彈不得，但原來想要拆解思琳的埋身肉搏之術，都唔係冇計的！即刻去片睇吓Owen點拆……

新抱汪圓圓早前宣布陀孖仔，蔡李惠莉日前攜同長女蔡加敏出席慈善相展時，坦言：「o依家有五個孫，加多兩個就有七個，梗係開心啦！但都係未夠，我已經追緊Crystal(細女)，希望每個仔女都生三個小朋友，總共有九個孫就係最理想。」至於會如何獎勵圓圓陀孖B？她即大讚新挽又乖又抵錫，「我會諗吓啲大獎畀佢，因為陀孖胎真係好辛苦，我平時都煲啲骨湯畀佢做補品！」另外，早前蔡加讚接受《東周刊》訪問時，提及當年讀書被綁架一事，蔡李惠莉則未有回應。

李嘉欣早前接受電視節目《魯豫有約─女神季》訪問，大談與老公許晉亨的婚後生活。雖然嘉欣被指是豪門少奶奶，但她直言自己的生活跟普通人沒大分別，並非外間認為「一入豪門深似海」，而且夫家的成員不多，也不會講別人的是非，老公亦從不會問其過去的感情事，十分欣賞對方有風度。嘉欣曾透露和亨亨的夫妻相處之道係：「喺生活上唔好挑戰對方底線。」嘉欣同亨亨夫妻恩愛，今日(十一月二十三日)係佢哋結婚七周年，嘉欣都忍唔住喺微博晒愛呀！